Со доделување на наградите на најуспешните, денес заврши првиот Божиќен турнир во шах, кој оваа година го востанови и организира Општина Карпош во соработка со шаховскиот клуб „Гамбит Асеко СЕЕ“. Инаку на овој шаховски турнир земаа учество 66 шахисти од Македонија и од соседството (Србија и Бугарија),од кои 22 титулирани шахисти. Пет од нив се велемајстори во шах, осум се интернационални мајстори, а девет се ФИДЕ мајстори. Вкупниот паричен фонд на турнирот изнесуваше 92.000 денари. На сите 66 учесници на турнирот од страна на Секретарот на Општина Карпош, г-дин Владо Поповски им беа врачени дипломи за учество.